Zu den Inhalten springen
Interner Bereich Raumbelegung
deutsch  english  türk  русский  pälzisch
Schriftgröße
Schrift größerSchrift kleiner

E Krankehaus wie aus em Bilderbuch

S Diakonisse-Stifdungs-Krankehaus in Speyer. E Krankehaus, wo mer hiegehe kann. Uf em neieschde Stand, was die Miedizin aageht, un mit Doktere un Scheweschtre, wo mer sich ääfach gut ufghowe wääß. In de Tradition vun de Diakonisse. Un mit ener Gschicht, wo bis zum erschde Spidal im Middelalder aus em Johr 1259 zurickgeht.

Aus em Krankehaus vun de Diakonisse un aus em Stifdungskrankehaus vun des Stadt Speyer, em Spidal, is es Diakonisse-Stifdungs-Krankehaus 2004 zsammenkumme. Weil Speyer e gudi Gsundheitsversorchung braucht, un minanner geht s halt besser. Do kammer sich meh leischde un meh aabiede.

Paul-Egell-Strooß

Paul-Egell-Strooß 33 • 67346 Speyer
Tel. (0)6232 22-1401
krankenhaus@diakonissen.de • www.diakonissen.de

Spidalgass

Spidalgass 1 • 67346 Speyer
Tel. (0)6232 18-0
krankenhaus@diakonissen.de • www.diakonissen.de

Hochleischdungsmedizin fer die Leit in Speyer un drumerum. Spezialischde fer viele Krankheide gebt s do. Un die greescht Klinik fer Geburde in de ganze Umgewung. Iwwer 2000 Kinner wern in dem Krankenhaus gebore, meh wie in de große Krankehaiser vun Mannem un Heidelberch, vun Ludwigshafe un Määnz un Laudre. Medizinstudende vun de Uni Mannem-Heidelberch werrn do ausgebildt.

Was do alles gemacht wird in dem Krankehaus? Fascht alles, vun ener Unnersuchung bis zu ener Oberation. Un unser Dokder sin Spezialischde in ehrm Gebiet, un sie schaffen mit annere Spezialischde in große Krankehaiser ringsum zsamme. Medizinstudente aus Mannem wern bei uns ausgebildt un Krankeschweschdre un Hebamme. Die Schweschdre kimmern sich um die Leit. Un die Technik is vum Foinschde.

Iwrichens: In Mannem hämmer ach noch e Krankehaus, es Diakoniekrankehaus. Mit iwwer 470 Bedde. Un mer is genau so gut ufghowe dort, was die Medizin aageht un die Versorchung.

Mer kann also beruhicht in s Diakonisse-Stiftungs-Krankehaus in Speyer (odder ins Diakoniekrankehaus in Mannem) gehe. Wann äm zu helfe is, kriecht mer do gholfe. Guggen eich nor emol um uf unsrer Houmpäitsch. Odder kummen äfach mol bei uns vorbei, zum Gugge odder wann ehr krank sin. Mer sin fer eich do.

© Diakonissen Speyer-Mannheim